EU
Gobierno Vasco

DBH 1eko ikasleak Durangon

 

DBH 1eko hogeitabost ikasle Durangon izan dira beren euskara irakasle diren Amaia
eta Nahikarirekin. Ikusi zein pozik dauden...

DBH 1: Txingudiko paduran hegaztiak behatzen.


Azaroak 29 eta 30ean DBH 1-eko ikasleak Txingudiko badian dagoen Plaiaundi parke ekologikoan
izan dira hegaztiak behatzen. Prismatikoak lepoan hartu eta hegazti gida eskutan, taldeka hegaztien
errolda bat egin dute.


DBH 4: Zestoara bizikleta irteera


Azaroak 28 asteazkena, DBH 4.mailako ikasleek bizikleta irteera egin dute. Zumaian bertan hasi eta
Zestoara joan etorria egin dute. Udazkeneko eguraldi atseginez, jarduera fisikoa egin eta inguruneaz
gozatzeko aukera ederra izan dute.

BIZI-BIZI eta PRESTU!


Bizi-bizi eta prestu hartu dugu Euskaraldiaren ariketa soziala Zumaiako Herri Eskolan. Gure hizkuntza
ohitura eta inertziak aldatzeko garaia dela iruditzen zaigu, euskararari indar gehiago eman diezaiogun geure
guneroko jardunean. Batez ere, gazteleraz egiteko joera daukagun lagun edo inguruko jendearekin
aurerrapausoak ematea da gakoa, euskahalduntzea.

16 urtetik gorakoentzat pentsatutako ekimena denez, Batxilergoko ikasleak eta irakasleak bildu dira
Euskaraldiarekin bat egiteko. Ekintza hau zerrenda luze bateko azkena izan da; izan ere, udazken guztian
zehar hainbat aldiz izan da Euskaraldia protagonista Herri Eskolan. Batxilergoko ikasle guztiek formakuntza
saio bereziak jaso zituzten hasieran; jarraian izen-emate epea ireki eta bereziki sustatu zen parte hartzea;
gurasoentzat edota komunitateko beste kideentzat ere izena emateko txokoa prestatu da. Eta txapa
janzteko ordua iritsi denean ere, Herri Eskolako pasabideak partaidez beteta ikusi ahal izan ditugu azken
egunetan; batez ere, Ahobizien rola hartu dute.

Euskararen Eguna bertan da eta euskararekiko jarrera aktiboa hartzea ezinbestekoa iruditzen zaigu Zumaia
bezalako arnasguneek indartsu jarrai dezaten.
Baga Biga Higa ikuskizuna

 

Gaur goizean DBH 4ko ikasleak Aita Mari zinemara joan gara Baga Biga Higa ikuskizunaz gozatzera.

Bertan Eñaut Elorrieta eta Mikel Markez musikariek euskal kantagintzaren bilakaeraren inguruan hitzegin

digute, 1900-ko lehenengo grabaketekin hasi eta 1960 urtetik hamarkadaz hamarkadan gertaturikoa

ezagutaraziz. Kanta esanguratsuenak ere kantatu dizkigute; "Eperra", "Loretxoa", "Lau teilatu",

"Baga Biga Higa"...


Ikuskizuna bukatzean Eñaut Elorrietak argazkia atera du ZIG gelako ikasleokin. Begiratu argazkia.



6 - 10 erakustea 189 emaitzatatik
Items per Page 5
Orrialdea nondik 38
© Zumaiako Institutua
Telefonoa: 943860809 | Telefonoa: 943862320 | Fax: 943860810 | idazkaritza@zumaiabhi.eus