dbh 2 etiketa duten sarrerak.

Elkarrekin eta elkarrengandik ikasten

Matrikulazio kanpaina Urtarrilaren 27tik otsailaren 7ra izango da aurten. 

 

Irakurzaletasuna indartzeko ekimen berritzailea dugu

 

Gure gizartean ikus-entzunezkoek gero eta indar gehiago izan arren, sinetsita gaude irakurketan trebea izatea ezinbestekoa dela ikasleek gaitasunak ondo garatu ditzaten. Horregatik, Zumaiako Herri Eskolan ekimen berritzailea jarri dugu abian irakurzaletasuna indartzeko: astero, ordubetez eta aldi berean, DBH osoa irakurketa librean aritzen gara gelan. Ikasleek nahi duten irakurgaiak aukeratu ditzakete eta tarte horretan ahalik eta gehiena gozatzea da ebaluaziorik onena. Erein eta astero ureztatutako hazi honek bere fruitua emango duelakoan gaude, epe ertainerako apustu didaktikoa baita.

Antolaketa aldetik ahalegin handia eskatu du ekimena martxan jartzeak, gela guztietan liburuz betetako kaxak jarri behar izan baitira, liburu erakargarriz ondo hornituak. Horretarako inbertsio ekonomiko eta pertsonal berezia egin du Herri Eskolak eta, oro har, orain arteko balorazioak oso positiboak izan dira ikasle eta irakasleen aldetik.

II. Hegaztien janleku lehiaketa

Abian da II. Hegaztien janleku lehiaketa, zorioneko dira gure patioko patxizar, amilotx, buztangorri eta gainontzekoak. Aurkeztutako janleku dotoreenak gure patioan ipiniko dira. Ez utzi pasatzen hegaztiei esku bat bota eta sari dotoreak irabazteko aukera!!

Indarkeria matxistaren aurkako nazioarteko eguna

Azaroaren 25ean, Tratu ona guztiona lelo hartuta, Zumaiako giza katean parte hartuko dugu. 11:00-etan Eusebio Gurrutxaga plazatik hasiko da katea eta alde zaharrean ibilbidea egingo du. Eskualde osoko heziguneekin batera eta Hezkidetza Foroaren barruan antolatu da ekintza, atzoko prentsaurrekoan azaldu genuen bezala.

IKASTURTE BERRIA HASTERA DOA!!!

 
Oporrak amaitzen ari zaizkigu eta ikasturte berria jadanik ate joka daukagu. Irailaren 9an izango da aurkezpena eta 10ean klaseak hasiko dira. Hemen duzue aurkezpenerako ordutegia eta maila bakoitzaren kokapena. Ondo irakurri mesedez, aurten aldaketaren bat badago eta.
 
Talde guztietako aurkezpenak 10:00etan izango dira.
 
DBH 1 eta 3: Sagarbide Eraikinean
DBH 2 eta 4: Aita Mari Eraikinean
Batxilergo 1 eta 2: Tailerretan
Administraritzako Goi Mailako Zikloa:  Aita Mari Eraikinean