ERRIGORA kaxekin euskara elikatzen

 

Aurten ere Herri Eskolako irakasleok Errigoraren kanpainarekin bat egin dugu. Honela, Nafarroa hegoaldeko kalitatezko produktuak erosita hango euskalgintzari diru ekarpena egin diogu. Aurten, inoiz baina kanpaina arrakastatsuagoa izan da Euskal Herri mailan ere eta guztira 200.000€ bideratuko dira Nafarroa hegoaldeko euskalgintzara. Egunotan iritsi zaizkigu kaxak Herri Eskolara; beraz, orain, kutixiez gozatzeko garaia da!

ZIG AZOKA, abenduaren 13an

Itsasoan arrastorik ez

 

Atzo Itzurun hondartzan dbh1-eko hainbat ikaslerekin bideo bat grabatu genuen, "Itsasoan arrastorik ez". Itsaso eta hondartzetako plastiko zaborraz kontzientziatzea du helburu. Bideoa laister ikusiko duzue, momentuz hemen dituzue atera genituen argazki batzuk.

Begiratu argazkiak

DBH 4koak "Baga Biga Higa" ikusten

Urtero bezala, aurten ere DBH 4-ko ikasleak Aita Mari zineman izan ziren Eñaut Elorrieta eta Mikel Markezen "Baga Biga Higa" ikuskizunaz gozatzen. Ikuskizun honetan euskal musikaren bilakaera aztertzen dute hamarkadaz hamarkada.

Begiratu argazkiak

Txikipedia: Durangoko Azokan izango gara

 

Aurten ere Zumaiako Institutuko Txikipedia proiektua azaltzen arituko gara Durangoko Azokan. Bi ikasturtetan ikasleek egin dituzten lanak erakutsiko ditugu eta bertaratzen diren ikastetxeei gidalerroak edo aholkuak emango dizkiegu. Aurten gainera Euskal Herri mailako Txikipediaren lehiaketa abian jarri da eta horren argibideak ere azalduko ditugu.

Abenduaren 7an, larunbata, izango da aurkezpena, Durangoko azokako Kabi@ gunean.