Egunean Behin Biologia lehiaketa Batxilergo 2 mailan

 

Euskal Herriak Egunean Behin lehiaketan atsedenaldia izan duen bitartean Zumaiako Institutuan Batxilergoko 2. mailako Biologia ikasleok gure lehiaketa propioarekin jarraitu dugu, oporretan ere bai. Aritz (3), Izaro, Paula eta Enara izan dira aste bakoitzeko irabazleak eta sailkapen nagusia oso estu dago, Enara doa une honetan aurrena.

Xabi Aizpuruari elkarrizketa Baleiken

Xabi Aizpurua irakasleak egoera berri honetan lana nola egiten ari garen azaldu du Baleikerekin egindako elkarrizketa batean. Oso interesgarria, benetan.

Elkarrizketa ikusteko klikatu estekan

 

Selektibitateko azterketen egutegia

Badugu dagoeneko aurtengo selektibitateko azterketaren egutegia. Begira ezazu ondo egun bakoitzean zein azterketa izango duzuen.

Insitituan maskarak egiten

Zumaiako Herri Eskolan ditugun 3D inprimagailuekin Zumaiako "maker" sarean hartzen dugu parte.

Unibertsitatera Sartzeko Ebaluazioaren data berriak

Bizitzen ari garen egoera berezia dela eta Euskal herriko Unibertsitateak honako ohar hau plazaratu du:

Euskadin, Unibertsitatera Sartzeko Batxilergoaren Ebaluazioa uztailaren 6an, 7an eta 8an izango dira. Cristina Uriarte Hezkuntza sailburuak, UPV/EHUrekin koordinatuta, gaur goizean Hezkuntza Konferentzian bideokonferentzia bidez parte hartu ondoren hartu du erabakia.

Egutegiak jasotzen du, beste zenbait dataren artean, emaitzak uztailaren 15ean argitaratuko direla; ezohiko proba berriz, uztailaren 20an, 21ean eta 22an, eta hauen emaitzak uztailaren 29an.

Eusko Jaurlaritzak egutegi hau ezarri du, aurreikusiz, kasurik txarrenean, ekainaren hasierarako berriz ere eskolak eman ahal izango direla.

Unibertsitatera Sartzeko Batxilergoaren Ebaluazioaren egiturari eta edukiei dagokienez, bere eskumen-berezitasunagatik definitutako eskumen-eremuan oinarrituta, Euskadi arduratuko da egungo probak egokitzeaz, ebaluazio-irizpideak berrikusteaz edo proba mota malgutzeaz. Lan hori Euskal Herriko Unibertsitatearekin koordinatuta egingo da.